Aspargrund 11, 200 Kópavogur
59.800.000 Kr.
Parhús / Parhús á tveimur hæðum
6 herb.
142 m2
59.800.000
Stofur
1
Svefnherbergi
5
Baðherbergi
1
Inngangur
Sér
Byggingaár
1983
Brunabótamat
32.900.000
Fasteignamat
47.050.000

VB Eignir. Vilhjálmur Bjarnason löggiltur fasteignasali 822-8183 kynnir: 

Aspargrund 11 í miðju höfuðborgarsvæðisins. Hef fengið í einkasölu sjarmerandi parhús á stórri og flottri lóð á Lundarsvæðinu í Fossvoginum Kópavogsmegin. Húsið skiptist í kjallara, hæð og ris og er með mikla möguleika á stórri og gróinni 1,756 fm lóð á frábærum stað. Þessi eignarhluti hefur sérafnotarétt af 812,7 fm af 1,756 fm sameiginlegri lóð parhúsanna að Aspargrund 9 - 11.  Sérafnotalóðin er mjög stór og gróin með grasi, runnum, rifsberjum, rabbabara og stórum trjám og er lóðin afgirt, barn og hundheld.
Húsið skiptist á eftirfarandi hátt: Komið er inn á aðalhæðina sem er miðhæðin og er þar fyrst forstofa með flísum, hengi og skáp.
Hol og stigahol með parketi.
Eldhús með dúkflísum á gólfi, hvít falleg innrétting með keramic helluborði, háf og ofni í vinnuhæð ásamt tengli fyrir uppþvottavél.
Góð stofa og borðstofa með parketi á gólfi, búið er að taka herbergi af stofunni en auðvelt að breyta því aftur, útgangur á suður trésólpall og í afgirtan garðinn.
Stigi upp á efri hæðina en þar er fyrst hol með parketi og kvistglugga.
Baðherbergi með dúk á gólfi, sturtuklefi, vaskur í borði og skápur.
Fallegt herbergi með dúk og gluggum í tvær áttir, skúffuskápar og hengi.
Annað herbergi með dúk og skáp.
Úr holinu á aðalhæðinni er líka stigi niður í kjallarann en hann er líka með sérinngangi.
Í kjallaranum er fyrst gangur með dúk.
Tvö herbergi með dúk og skápur í öðru þeirra.
Þvottahús með máluðu gólfi, vaskur, sturtubotn,  gluggi og sérinngangurinn á þessa hæð.
Að auki eru þrjár gluggalausar geymslur í misjöfnu ástandi á hæðinni.
Hægt er að bóka skoðun á húsinu með því að hringja beint í eiganda hússins: Eigandi: Þórunn og Ísleifur 694-7127. 

Möguleikarnir eru miklir í þessu húsi og raunar á lóðinni líka ef vilji er fyrir því. Möguleiki er á að útbúa sér aukaíbúð í kjallaranum. Húsið er timburhús á steyptum kjallara. 
Þrjú bílastæði eru á lóðinni og gestastæði þar fyrir framan. Skúrinn sem er fyrir framan húsið fylgir með en sennilega er hann farinn að þarfnast viðhalds.  

Húsið sem hér um ræðir er hægri helmingurinn af parhúsinu að Aspargrund 9 til 11. Búið er að stækka hinn helminginn, Aspargrund 9, þannig að það hús er í dag 282,6 fm á meðan þetta hús er 142,2 fm sem gefur ýmsa möguleika á stækkun þessa húss ef það hentar nýjum eiganda að gera svo. Þetta er hús sem er byggt 1983 og virðist vera í ágætu ástandi miðað við aldur en skoða þarf eitthvað þakjárnið og annað með tilliti til aldurs hússins en búið er að skipta út frárennslislögnum hússins.
Athugið að ef þið hafið einhvern tímann á starsævi ykkar greitt í einhvern lífeyrissjóð, óháð því hvort þið borgið í þann sjóð eða einhvern sjóð í dag, þá eigið þið að öllum líkindum rétt á láni í þeim sjóði og getið hugsanlega valið um sjóði til að taka lán út frá bestu kjörunum.
Ég aðstoða ykkur við þetta ef þið viljið. 

Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. 
Ég liðsinni þér alla leið hvort sem þú ert að kaupa eða selja, vantar ráðgjöf eða annað sem viðkemur lánamálum og eða fasteignaviðskiptum.

Vilhjálmur Bjarnason löggiltur fasteignasali.
VB Eignir  Heilshugar um þinn hag.
Sími 822-8183

Senda fyrirspurn um eignina

Skilaboð hafa verið send.