Hverfisgata 35, 101 Reykjavík (Miðbær)
Tilboð
Fjölbýli
4 herb.
111 m2
Tilboð
Stofur
2
Svefnherbergi
2
Baðherbergi
1
Inngangur
Sameig.
Byggingaár
1907
Brunabótamat
26.400.000
Fasteignamat
46.900.000

Vilhjálmur Bjarnason löggiltur fasteignasali kynnir: 

Hef fengið í einkasölu að Hverfisgötu 35, í hjarta miðbæjar Reykjavíkur, mjög bjarta, rúmgóða og kosy 3ja til 4ra herbergja 111,2 fm íbúðarhæð á annari hæð, í mjög svipmiklu, fallegu og nýlega klæddu fjórbýlishúsi á horni Klapparstígs og Hverfisgötu. Húsið stendur á 158.6 fm eignarlóð. 
Á jarðhæðinni fyrir neðan er  frönsk sælkeraverslun ásamt einni lítilli íbúð og í rishæðinni fyrir ofan er ein íbúð. 
Húsið var í upphafi í eigu sömu fjölskyldu í tugi ára og í verslunarplássinu var Hattabúðin til húsa í rúm 70 ár.
Sérhiti og sérrafmagn. Fallegir rósettulistar í loftum og við gólf í flestum rýmum. Fallegar fulningahurðir og gamaldags listar í kringum gereft og glugga.
Opið hús verður 12. júní milli kl 17:00 og 18:00 en ef þið viljið skoða eignina þá hafið þið samband við Vilhjálm Bjarnason löggiltan fasteignasala á [email protected] og pantið tíma til skoðunar. 
Eignin skiptist í 103,9 fm íbúð á annari hæð ásamt 7,3 fm geymsluskúr á lóðinni.
Aðkoma: Sameiginlegur inngangur inn í húsið er frá Hverfisgötunni og er þaðan gengið upp mjög fallegan viðarstiga með gamaldags pírólahandriðum 
upp einn stiga á stigapallinn þar sem inngangurinn inn í þessa íbúð er ásamt útgangi á góðar suður svalir sem snúa út á Hverfisgötuna.
Það eru raunar tveir inngangar frá stigapallinum inn í íbúðina þannig að hægt er að hafa tvo sérinnganga af stigapallinum ef það hentaði nýjum eiganda að skipta íbúðinni upp eða hafa sér forstofuherbergi.
Íbúðin skiptist þannig: Sérstaklega rúmgóð og björt forstofa og hol með gömlum gólffjölum á gólfi, gluggi. Úr forstofuholinu er innangengt í eldhúsið og stofuna.
Mjög stórt svefnherbergi með harðparketi á gólfi, gæti verið að gömlum gólffjalirnar væru þar undir, góður gluggi, skápur. 
Annað stórt herbergi með gömlum gólffjölum á gólfinu, gamall lítill skápur, góður gluggi, aukahurð fram á stigaganginn.
Baðherbergið er uppgert með flísum á gólfi og hluta af veggjum, upphengt WC, baðkar með sturtutækjum, gluggi.
Þvottahús og geymsla innaf eldhúsinu og innan íbúðarinnar með flísum á gólfi, hillur og stór gluggi, tengi fyrir þvottavél og þurrkara. 
Eldhúsið er rúmgott með dúk á gólfi, hugsanlega eru gömlu gólffjalirnar þar undir, góð borðaðstaða, hvít og svört innrétting með uppþvottavél sem fylgir.
Stór, björt og falleg stofa og borðstofa með gömlum gólffjölum á gólfi, þrír stórir og fallegir gluggar.  

Stigapallurinn er fallegur og snyrtilegur með fallegum stiga og stigahandriði. 
Garður og lóð: Lóðin er 158,6 fm sameiginleg eignarlóð allra eigenda hússins.  Geymsluskúr er á lóðinni sem fylgir þessari íbúð og er hann 7,3 fm og í frekar lélegu ástandi
Það sem talið er að búið sé að gera á undanförnum árum er eftirfarandi, sjá þó fyrirvara hér að neðan þar sem eigendur eru erlendir og búa ekki í íbúðinni: Upplýsingar að mestu frá öðrum íbúum hússins og án ábyrgðar. Húsið var byggt 1907 og því friðað að utan. 2011 er sagt að skift hafi verið um járn á öllu húsinu og þak og gluggar málaðir, einnig væri hljóðeinangrandi gler í íbúðinni. Rafmagnstöflur eru í öllum íbúðunum og sérrafmagn og sérhiti. Skólp er sagt nýlegt. Það stendur til að mála húsið að utan á næstunni. Það þarf líklega að skifta um hurð á svölunum.
Íbúðin hefur undanfarin ár verið leigð út á Airbnb með góðum árangri og gefur staðsetningin mikla möguleika varðandi áframhaldandi útleigu íbúðarinnar hvort sem er á Airbnb eða á annan hátt.  
Sjá Airbnb: https://www.airbnb.fr/rooms/6297758 

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. fengnar með sjónskoðun fasteignasala eignarinnar, sóttar í opinberar skrár, samkvæmt upplýsingum frá eiganda eignarinnar og eftir atvikum til húsfélags. Seljandi skal veita fasteignasala og tilboðsgjöfum upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki með berum augum, t.d. vatns og raflagnir, dren, skólp og þak. Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. VB Eignir fasteignasala bendir væntanlegum tilboðsgjöfum á að kynna sér vel ástand eigna með  skoðun á eigninni fyrir tilboðsgerð og að leita til sérfræðinga um nánari ástandsskoðun ef þeir telji þörf á því. 


Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í nánast öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.