Álhella 7, 221 Hafnarfjörður
74.900.000 Kr.
Atvinnuhús / Lager - Iðnaðarhúsnæði
2 herb.
351 m2
74.900.000
Stofur
0
Svefnherbergi
0
Baðherbergi
0
Inngangur
Sér
Byggingaár
2018
Brunabótamat
0
Fasteignamat
21.650.000

VB Eignir. Vilhjálmur Bjarnason löggiltur fasteignasali 822-8183 kynnir: 

Álhella 7, Hafnarfirði. Um er að ræða 351,9 fm iðnaðarhúsnæði sem er á nýju svæði þar sem Geymslusvæðið hefur verið undanfarin ár en svæðið er nánast beint á móti Álverinu í Straumsvík. Þar er að byggjast upp nýtt iðnaðarsvæði og má meðal annars nefna að stórverktakafyrirtækið Munch er komið á svæðið. Einnig er Vélrás, véla og bifreiðaverkstæði, á svæðinu. Norðnorðvestur, NNW, sem er þjónustufyrirtæki við kvikmyndagerð hefur verið lengi á svæðinu og er á leiðinni í hinn endann á þessu húsi sem verið er að selja hluta af hér og fleiri öflug fyrirtæki eru á leiðinni á svæðið.
Húsið sjálft er skráð um 1.040 fm að stærð og er um 15 X 57 metrar að grunnfleti sem gerir um 866 fm ásamt tveimur um 87 fm milliloftum í sitt hvoru endabilinu. Húsið skiptist í fimm bil sem eru misstór en tvö endabilin eru með millilofti.
Mænishæð er um 7 m. Vegghæðin er um 6 m. Keyrsluhurðarnar eru um 4.6 m á hæð og 3,8 m á breidd. Mögulegt er að setja milliloft í öll bilin. 
Það sem verið er að selja eru þrjú bilin lengst til vinstri þegar horft er framan á húsið innkeyrsluhurðamegin en búið er að ráðstafa öllum hinum bilunum. Raunar var þetta bil einnig selt en vegna óviðráðanlegra aðstæðna tilboðsgjafa þá gekk sú sala til baka þannig að þetta bil er komið aftur á sölu.
Húsið er uppkomið og nánast tilbúið til afhendingar og notkunar. Bil þetta er með matshlutanúmer 0101. Eignin er þrjú iðnaðarbil af húsinu sem seljast sem ein eign og er skráð samtals um 351.9 fm sem skiptist í 264.7 fm gólfflöt ásamt 87.2 fm geymslulofti í endabilinu. 
Af þessum þremur bilum sem verið er að bjóða hér sem eina eign er fyrsta bilið endabilið í norðvestur og er það bil með einni gönguhurð að framanverðu. Skilast þetta bil með afstúkaðri stórri skrifstofu, geymslu, kaffistofu og ræstiherbergi sem skilast fullmálað en án gólfefna, í þessu bili er einnig millilofti sem skilast með stiga og handriði. Opið er á milli bilanna en næsta bil er með einni innkeyrsluhurð og einni gönguhurð að framanverðu og að auki einni gönguhurð að aftanverðu, þriðja bilið er svo með einni innkeyrsluhurð og einni gönguhurð að framanverðu en engin gönguhurð er að aftanverðu í því bili. Eldvarnarveggur er svo yfir í næsta bil frá þessum þremur bilum. Eigninni fylgir hlutdeild í matshluta 01 og lóðinni samkvæmt hlutfallstölum í eignaskiptayfirlýsingu.
Samkvæmt nýrri eignaskipayfirlýsingu sem búið er að þinglýsa, er eignin skráð sem matshluti 01 og er stálgrindarhús. Veggir og tvíhalla þakið er klætt samlokueiningum, á húsinu eru tuttugu þakgluggar ásamt 8 innkeyrsluhurðum, 15 gönguhurðum og gluggum bæði á göflum og í milliloftshæð. Sameiginleg inntök eru í sérrými fyrir miðju húsinu. Samtals er húsið um 1.040 fm. 

Húsið er í dag nánast fullfrágengið að utan með öllum einingum komnum á sinn stað og festar ásamt þakgluggum og innkeyrsluhurðum og verið er að klára frágang á gönguhurðunum ásamt milliloftum, skilum á milli bila og verið er að vinna í rafmagni og hitalögnum. Búið er að steypa gólfplötuna og pússa hana ásamt því að komnar eru gólfhitalagnir í alla plötuna.
Húsið og lóðin skilast fullbúin að utan frá seljanda með öllum hurðum og gluggum, með olíumöl á lóðinni allri og með steypum sérafnotareitum út frá innkeyrsluhurðum, svo verða sérmerkt bílastæði fyrir hverja einingu og sameiginlegt umgengnissvæði allra sem verið er að setja reglur um varðandi umgengni til að halda lóðinni sem snyrtilegastri til framtíðar. Olíumölin á sameiginlega umráðasvæðið verður lögð sumarið 2019. Að innan skilast bilin með hita í gólfi og vélpússuðu gólfi og með brunaveggjum á milli notaeininga og milliloftum uppsettum þar sem það á við. Afhending er áætluð í maí 2019. 



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Ef þú þarft að fá upplýsingar eða hjálp sem tengist hrunmálum þá er best að senda mér fyrirspurn og eða upplýsingar á [email protected] því þá vinnu hef ég unnið í sjálfboðavinnu innan Hagsmunasamtaka heimilanna. 

Vilhjálmur Bjarnason löggiltur fasteignasali.
VB Eignir  Heilshugar um þinn hag.
Sími 822-8183
Til að hafa það á hreinu þá er ég "ekki fjárfestir"

Senda fyrirspurn um eignina

Skilaboð hafa verið send.