Vættaborgir 3, 112 Reykjavík (Grafarvogur)
43.500.000 Kr.
Fjölbýli / Fjölbýlishús með sérinngangi
3 herb.
91 m2
43.500.000
Stofur
1
Svefnherbergi
3
Baðherbergi
1
Inngangur
Sér
Byggingaár
1997
Brunabótamat
28.000.000
Fasteignamat
35.900.000

VB Eignir. Vilhjálmur Bjarnason löggiltur fasteignasali 822-8183 kynnir: 

Þessi fallega íbúð er seld og fengu færri en vildu, ef þið eruð að hugsa um að finna nýtt heimili fyrir fjölskylduna þá þætti mér gaman að fá að hjálpa til við það.  
Vættaborgir 3 í Grafarvogi, er með í einkasölu sérlega fallega og vel nýtta 4ra herbergja 91.1 fm efri sérhæð með sérinngangi í fallegu átta íbúða húsi
ásamt þinglýstum byggingarétti fyrir góðum bílskúr. Húsið er fallegt og viðhaldslítið Permaformhús byggt 1997. Íbúðin er í dag 4ra herbergja en er skráð 3ja herbergja í upphafi en búið er að breyta henni þannig að sérþvottahúsið sem var upphaflega er orðið að herbergi og búið er að breyta baðherberginu þannig að þar er góð aðstaða fyrir þvottavél og þurrkara. Eigninni fylgir ágæt sérgeymsla á palli við útidyr. Allt sér og innan íbúðar og engin sameign til að þrífa. Gæludýr velkomin. Búið er að endurnýja nánast alla íbúðina en skipt var um öll gólfefni og fataskápana ásamt því að íbúðin var öll máluð og baðherbergið tekið í gegn með vönduðum tækjum 2018. Eldhúsið var svo tekið í gegn fyrir þremur árum síðan og sett ný og vönduð SAMSUNG tæki.
Aðkoma: Gengið upp tröppur að íbúðinni og er sérinngangurinn að þessari íbúð vinstra megin á stigapallinum. Íbúðin skiptist á eftirfarandi hátt: 
Forstofa með flísum á gólfi. Gangur með parketi og þar er skápurinn fyrir forstofuna. Fallegt hjónaherbergi er með parketi á gólfi, rúmgóður fataskápur. Ágætt barnaherbergi  með parketi á gólfi og skáp. Annað barnaherbergi með parketi á gólfi, skápur, þetta herbergi var áður þvottahúsið og hægt að breyta því aftur ef nýjir eigendur vija það frekar. Baðherbergið er gullfallegt og nýlega uppgert, flísalagt í hólf og gólf með fallegri stórri sturtu með glerskilvegg, upphengt wc, handklæðaofn, stórum vaski og góðri innréttingu ásamt því að lagt er fyrir þvottavél og þurrkara á góðum stað. Eldhúsið er með parketi á gólfi, falleg hvít innrétting með vönduðum tækjum, svartar borðplötur, flísar á milli skápa, tveir ofnar, stálháfur, pláss fyrir tvöfaldan amerískan ísskáp, tengi fyrir uppþvottavél, góð borðaaðstaða við glugga. Stofan er rúmgóð og björt með parketi á gólfi og útgangi á góðar suður svalir. 
Manngengt risloft er yfir íbúðinni og hafa sumir i þessum húsum notað það sem herbergi, leikherbergi, skrifstofu og eða geymslu.

Sameign: Engin sameign er í húsinu og því ekkert sameiginlegt að þrífa eða hugsa um
Hús: Húsið er fallegt og viðhaldslítið Permaformhús byggt 1997. Permaformhúsin eru fyrir löngu búin að sanna sig á íslandi sem og á hinum norðurlöndunum sem góður búsetukostur með litlum kostnaði en þau eru byggð úr steypu og eru staðsteypt í Permaformmót með milliplötu úr holplötum og léttu timburþaki með stölluðu stáli. 
Lóð: Lóðin er sameiginleg, 2.738 fm að stærð með grasi að mestu og tvö bílastæði fyrir hverja íbúð samkvæmt eignaskiptayfirlýsingu.
Bílskúrsréttur: Þessari íbúð fylgir þinglýstur réttur til byggingu á 33 fm bílskúr með allt að 3,9 metra lofthæð samkvæmt veðbókarvottorði en þar er gert ráð fyrir að tveir stórir bílskúrar séu leyfðir á lóðinni að sögn seljanda.
Auðvitað þarf að sækja um að fá að byggja bílskúrinn og hugsanlega þarf að byggja þá saman en ég hvet áhugasama til að hafa samband við byggingarfulltrúann í Reykjavík til að hafa allar upplýsingar á hreinu.

Mjög stutt er í leikskólann Hulduheimar, barna og unglingaskólann Vættarskóla - Borgir og Borgarholtsskóla fyrir framhaldsnámið. Spöngin með öllum sínum verslunum, matsölustöðum og þjónustu í um 100 metra fjarlægð í góðu göngufæri ásamt því að hæfilega kangt er í Egilshöllina með allri sinni afþreyingu og íþróttaaðstöðu. Ekki má gleyma golfvellinum að Korpúlfsstöðum og góðum göngu, hjóla og útvistarsvæðum í nágrenninu. Ef þið viljið skoða íbúðina þá er ykkur velkomið að senda mér tölvupóst á [email protected] eða hringja í mig í 8228183, Vilhjálmur. 



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna. 

Vilhjálmur Bjarnason löggiltur fasteignasali.
VB Eignir  Heilshugar um þinn hag.
Sími 822-8183

Senda fyrirspurn um eignina

Skilaboð hafa verið send.