Álhella 7. 010, 221 Hafnarfjörður
95.400.000 Kr.
Atvinnuhús / Lager - Iðnaðarhúsnæði
2 herb.
436 m2
95.400.000
Stofur
0
Svefnherbergi
0
Baðherbergi
0
Inngangur
Sér
Byggingaár
2018
Brunabótamat
0
Fasteignamat
26.650.000

VB Eignir. Vilhjálmur Bjarnason löggiltur fasteignasali 822-8183 kynnir: 

Álhella 7, Hafnarfirði. Um er að ræða 436.1 fm iðnaðarhúsnæði sem skiptist í 349.2 fm gólfflöt með skrifstofurými og þremur innkeyrsluhurðum og 86.9 fm milliloft.
Það sem verið er að selja á þessu fastanúmeri eru fjögur bilin lengst til hægri þegar horft er framan á húsið innkeyrsluhurðamegin.
Húsið er uppkomið og nánast tilbúið til afhendingar og notkunar. Bil þetta er með matshlutanúmer 0105 og fastanúmer 250-2634. Eignin er fjögur iðnaðarbil af húsinu og er skráð samtals um 436.1 fm sem skiptist í 349.2 fm gólfflöt ásamt 86.9 fm geymslulofti í endabilinu. 
Af þessum fjórum bilum sem verið er að bjóða hér sem eina eign er fyrsta bilið endabilið í suð-austur og er það bil með einni gönguhurð að framanverðu og einni að aftanverðu. Skilast þetta bil með afstúkaðri stórri skrifstofu, geymslu, kaffistofu og ræstiherbergi sem skilast fullmálað en án gólfefna, í þessu bili er einnig millilofti sem skilast með stiga og handriði. Opið er á milli bilanna og hin þrjú bilin eru með þremur innkeyrsluhurðum og þremur gönguhurðum að framanverðu og einni gönguhurð í viðbót að aftanverðu. Eldvarnarveggur er svo yfir í næsta bil. Eigninni fylgir hlutdeild í matshluta 01 og leigulóðinni samkvæmt hlutfallstölum í eignaskiptayfirlýsingu. Búið er að steypa gólfplötuna og pússa hana ásamt því að kominn er gólfhitalögn í alla plötuna og hiti í gólfum skilast fulltengdur ásamt rafmagstöflu en engum öðrum raflögnum eða ljósum. Sérhiti og sérrafmagn.

Húsið og lóðin skilast fullbúin að utan frá seljanda með öllum hurðum og gluggum og með olíumöl á plani og sérafnotareitum út frá hurðum ásamt bílastæðum fyrir hverja einingu og sameiginlegu umgengnissvæði allra sem verið er að setja reglur um varðandi umgengni til að halda lóðinni sem snyrtilegastri til framtíðar. Að innan skilast innkeyrslubilin hrá en þó með brunaveggjum á milli notaeininga. 49 bílastæði eru á lóðinni en bakvið húsið eru fjögur sérbílastæði fyrir þennan eignarhluta. Áætluð afhending er í ágúst - september 2019.

Húsnæðið er á nýju svæði þar sem Geymslusvæðið hefur verið undanfarin ár en svæðið er nánast beint á móti Álverinu í Straumsvík. Þar er að byggjast upp nýtt iðnaðarsvæði og má meðal annars nefna að stórverktakafyrirtækið Munch er komið á svæðið. Einnig er Vélrás, véla og bifreiðaverkstæði, á svæðinu. Norðnorðvestur, NNW, sem er þjónustufyrirtæki við kvikmyndagerð hefur verið lengi á svæðinu og er á leiðinni í hinn endann á þessu húsi sem verið er að selja hluta af hér og fleiri öflug fyrirtæki eru á leiðinni á svæðið. Húsið sjálft er skráð um 1.040 fm að stærð og er um 15 X 57 metrar að grunnfleti sem gerir um 866 fm ásamt tveimur um 87 fm milliloftum í sitt hvoru endabilinu. Húsið skiptist í fimm bil sem eru misstór en tvö endabilin eru með millilofti. Mænishæð er um 7 m. Vegghæðin er um 6 m. Keyrsluhurðarnar eru um 4.6 m á hæð og 3,8 m á breidd. Mögulegt er að setja milliloft í öll bilin. 
Þess má geta að framtíðarinnkeyrsla inn á þetta iðnaðarsvæði verður frá undirgöngunum þar sem eru við innkeyrsluna inn til Álversins og verið er að laga til á svæðinu og búa til nýjar götur sem verður byrjað að malbika í sumar. 

Varðandi nánari lýsingu á eigninni og lóðinni þá vísast í þinglýsta eignaskipayfirlýsingu frá 5. nóvember 2018 sem Axel Rudolfsson verkfræðingur, kt 220663-3969, vann.
Byggingarréttur á lóðinni er allur áfram í eigu Norðnorðvestur ehf.

Mögulegt er að fá bil þetta leigt í langtímaleigu fyrir góðan aðila.



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Ef þú þarft að fá upplýsingar eða hjálp sem tengist hrunmálum þá er best að senda mér fyrirspurn og eða upplýsingar á [email protected] því þá vinnu hef ég unnið í sjálfboðavinnu innan Hagsmunasamtaka heimilanna. 

Vilhjálmur Bjarnason löggiltur fasteignasali.
VB Eignir  Heilshugar um þinn hag.
Sími 822-8183

Senda fyrirspurn um eignina

Skilaboð hafa verið send.