Brúnastaðir 17, 112 Reykjavík (Grafarvogur)
Tilboð
Raðhús / Raðhús á einni hæð
4 herb.
164 m2
Tilboð
Stofur
1
Svefnherbergi
3
Baðherbergi
1
Inngangur
Sér
Byggingaár
1998
Brunabótamat
46.030.000
Fasteignamat
64.650.000

VB Eignir. Vilhjálmur Bjarnason löggiltur fasteignasali 822-8183 kynnir: 

Þetta fallega hús er selt.
Brúnastaðir 17. Hef fengið í einkasölu virkilega gott 164.8 fm steinsteypt raðhús á einni hæð með innbyggðum 28.4 fm bílskúr. Falleg fullfrágengin lóð með hellulögðu upphituðu bílaplani og upphitaðri aðkomu að húsinu og steyptum sólpalli með hlöðnum blómakössum að framanverðu og svo er um 67 fm flottur og vandaður trésólpallur með skjólgirðingum og fallegri og góðri lóð með trjám og runnum að aftanverðu þannig að hægt er að njóta sólarinnar frá sólarupprás til sólarlags. 
Húsið, sem byggt var 1998, er steinsteypt og snyrtilegt og er næst innsta húsið í götunni upp á umferð að gera. Húsið getur verið laust með skömmum fyrirvara, jafnvel við kaupsamning. 
Húsið skiptist á eftirfarandi hátt: Forstofa með fallegum náttúrusteinflísum á gólfi, sérsmíðaður og stór forstofuskápur frá Brúnás. Rúmgott hol og gangur með gegnheilu parketi sem er á teikningum og hefur verið notað sem sjónvarpshol. Hjónaherbergi með gegnheilu parketi á gólfi, útgönguhurð á sólpallinn bakatil. Barnaherbergi með gegnheilu parketi á gólfi en búið er að opna á milli þessa herbergis og hjónaherbergis og er það í dag notað sem fataherbergi en auðvelt að breyta því aftur í barnaherbergi. Annað barnaherbergi með gegnheilu parketi á gólfi. Baðherbergið er flísalagt í hólf og gólf og með bæði baðkari sem er með sturtutækjum og einnig er sér sturta, upphengt wc, hvít innrétting með vaski í borði, nýr vaskur og ný blöndunartæki á vaskinum og baðkarinu. Þvottahúsið og geymslan er með flísum á gólfi, vinnuborð, vaskur, skápur og tæki í vinnuhæð, innangengt úr þvottahúsinu í bílskúrinn og upp á mjög stórt geymsluloft. Eldhúsið er fallegt og með sérsmíðaðri Brúnás innréttingu, gott vinnu- og skápapláss, gegnheilt parket á gólfi, nýtt span helluborð og ný blöndunartæki, stálháfur, tengt fyrir uppþvottavél, stál ofn í vinnuhæð, góð borðaðstaða. Stofa og borðstofa er mjög rúmgóð með gegnheilu parketi á gólfi og hurð út á risastóran og fallegan um 67 fm suðaustur trésólpallinn og bakgarðinn.  
Bílskúrinn er innbyggður og skráður 28.4 fm og er hann flísalagður og með sérinngönguhurð og einnig er innangengt í hann frá húsinu í gegnum þvottahúsið. Bílskúrinn er með fjarstýringu á bílskúrshurðinni, innréttingu, skápum, vinnuborði og vask ásamt því að milliloft er yfir hluta hans sem nýtist vel. Mögulegt er að gera fjórða svefnherbergið eða útleigueiningu í bílskúrnum.  
Falleg fullfrágengin lóð með hellulögðu upphituðu bílaplani og upphitaðri aðkomu að húsinu og steyptum sólpalli með hlöðnum blómakössum að framanverðu og svo er um 67 fm flottur og vandaður trésólpallur með skjólgirðingum og fallegri og góðri lóð með trjám og runnum að aftanverðu þannig að hægt er að njóta sólarinnar frá sólarupprás til sólarlags.  Ef þið viljið skoða þetta fallega raðhús þá sendið mér póst á [email protected] eða hringið í 822-8183.
Stutt er í Kelduskóla sem er heildstæður grunnskóli við Bakkastaði 2 ásamt íþróttaraðstöðunni þar í kring og leikskólanum Bakka að Bakkastöðum 77 og svo er Spöngin ekki langt undan með öllum sínum verslunum og þjónustu. Góðar göngu og hjólaleiðir eru í næsta nágrenni og nægir þar að nefna svæðið í grennd við Korpúlfsstaði og eiðið yfir í Geldinganes ásamt hjóla og gönguleiðum sem ná meðfram sjónum allt niður í miðbæ Reykjavíkur og lengra ef úthaldið er fyrir hendi. Egilshöllin er hæfilega langt frá með allri sinni afþreyingu og svo er golfvöllurinn að Korpúlfsstöðum aðeins steinsnar frá húsinu.



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna. 

Vilhjálmur Bjarnason löggiltur fasteignasali.
VB Eignir  Heilshugar um þinn hag.
Sími 822-8183

Senda fyrirspurn um eignina

Skilaboð hafa verið send.