Aðalstræti 62, 600 Akureyri
39.800.000 Kr.
Einbýli / Einbýlishús á tveimur hæðum
5 herb.
93 m2
39.800.000
Stofur
2
Svefnherbergi
3
Baðherbergi
1
Inngangur
Sér
Byggingaár
1846
Brunabótamat
25.800.000
Fasteignamat
26.600.000

VB Eignir. Vilhjálmur Bjarnason löggiltur fasteignasali 822-8183 kynnir: 

Aðalstræti 62. Akureyri. Hef fengið í einkasölu einstakt hús á einstökum stað í innbænum á Akureyri en húsið er sagt byggt 1846 og var allt endursmíðað 1985 - 1990.
Lóðin og staðsetningin: Lóðin er um 950 fm eignarlóð, falleg og gróðurmikil með grasi, runnum og stórum trjám. Staðsetningin er einstök og er t.d. í næsta nágrenni nokkur friðuð og sögufræg hús eins og Smiðjan, Indriðahús, Minjasafnskirkjan og Nonnahús. 

Húsið er skráð 93,3 fm sem skiptist í um 62 fm neðri hæð og um 31,3 fm rishæð. Neðri hæðin skiptist í forstofu, gang, norður herbergi, þvóttavélahorn, baðherbergi, eldhús, borðstofu og stofu. Efri hæðin skiptist í stórt herbergi að sunnanverðu og sjónvarpsstofa / herbergi að  norðanverðu.

Saga hússins: Nákvæmt byggingarár hússins er á huldu en í sumum heimildum er talið að Hallgrímur Kristjánsson, gullsmiður og gestgjafi, hafi byggt húsið um 1846 en aðrar heimildir benda til að húsið sé nokkuð yngra og Hallgrímur hafi ekki byggt það fyrr en upp úr 1850. Vitað er að Hallgrímur keypti torfhús af Grími Laxdal árið 1849 þegar hann flutti til Akureyrar en það hús er líklega það sem stóð á lóð Aðalstrætis 64, Mínubær og er nú löngu horfið. Árið 1855 sótti hann um leyfi til veitingareksturs. Árið 1859 lét Hallgrímur af veitingasölu og gerðist kaupmaður. Árið 1881 var sonur hans, Einar, talinn eigandi ásamt föður sínum. Einar var verslunarstjóri Jónassensverslunar. Magnús J. Kristjánsson, síðar verslunarmaður og ráðherra, var um skeið leigjandi í húsinu, og árið 1899 fékk Magnús leyfi byggingarnefndarinnar til þess að byggja bakhús á lóðinni, að stærð 12x19 álnir en það hús er nú horfið. Samkvæmt upplýsingum frá Stefaníu Ármannsdóttur var húsið klætt steinblikki skömmu eftir 1930. Sökkull var steyptur undir húsið 1985 og ári síðar var gólf hússins lækkað um þrjá þumlunga, klæðning rifin á veggjum og veggir og loft klædd plötum og nýir gluggar smíðaðir. Húsið var friðað sökum aldurs samkvæmt þjóðminjalögum árið 1990. 

Ef þið viljið skoða þetta einstaka hús þá sendið mér tölvupóst á [email protected] og ég kem ykkur í samband við eigandann sem sýnir húsið sjálfur. 



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna. 

Vilhjálmur Bjarnason löggiltur fasteignasali.
VB Eignir  Heilshugar um þinn hag.
Sími 822-8183

Senda fyrirspurn um eignina

Skilaboð hafa verið send.