Sléttahraun 27, 220 Hafnarfjörður
Tilboð
Fjölbýli / Fjölbýlishús með sameiginlegum inngangi.
2 herb.
54 m2
Tilboð
Stofur
1
Svefnherbergi
1
Baðherbergi
1
Inngangur
Sameig.
Byggingaár
1967
Brunabótamat
17.800.000
Fasteignamat
26.250.000

VB Eignir. Vilhjálmur Bjarnason löggiltur fasteignasali 822-8183 kynnir: 

Þessi fallega íbúð er seld og fengu hana færri en vildu.
Sléttahraun 27. Hafnarfirði. Hef fengið í einkasölu nýlega gegnumtekna, sérlega fallega og kósý tveggja herbergja 54.3 fm enda og horníbúð með gluggum á tvo vegu á annari hæð að Sléttahrauni 27 í Hafnarfirðinum fagra. 
Húsið er teiknað af Kjartani Sveinssyni arkitekt og er fallegt og snyrtilegt 4ra hæða fjölbýli með 14 íbúðum, þar af eru tvær á jarðhæðinni og svo fjórar íbúðir á hverri af hinum þremur hæðunum. Íbúðin er á annari hæð og er bara einn stigi upp á þá hæð þar sem fyrsta hæðin er jarðhæðin og enginn kjallari. Örstutt er í margs konar þjónustu, matvöruverslanir, matsölustaði og strætó og svo eru skólar, leikskólar og framhaldsskólar í göngufæri. Íbúðin var nánast öll tekin í gegn fyrir um fjórum árum síðan og var þá meðal annars sett nýtt harðparket og flísar á öll gólfin, eldhúsinnrétting, eldhúsbekkir og eldhústæki sett nýtt, flísar, innréttingar og tæki á baðherberginu var einnig allt sett nýtt á sama tíma ásamt vönduðum (day and night) gardínum í alla glugga. Góðar suð -vestur svalir.  Opið hús er áætlað í næstu viku en ef þið viljið bóka skoðun áður þá er hægt senda póst á [email protected] og við finnum tíma.   
Íbúðin, sem er nýgegnumtekin eins og áður segir, skiptist þannig:
 Forstofa með flísum. Gott hol með harðparketi á gólfi. Hjónaherbergið er rúmgott með harðparketi, upprunalegur skápur og útgangur á góðar suð -vestur svalir, vandaðar myrkvunar rúllugardínur. Baðherbergið er sérlega glæsilegt með flísalagt gólf og flísar í glæsilegri sturtuaðstöðu og upp á rúmlega hálfa veggi annars staðar, vaskur með skáp, upphengt og innbyggt WC, hilla og spegill. Eldhúsið er mjög fallegt og er með mjög fallegri svartri og hvítri innréttingu, flott glerplata milli skápa, harðparket á gólfi, borðaðstaða við glugga sem er með vönduðum rúllugardínum. Rúmgóð, björt og falleg stofa með harðparketi á gólfi, gluggar á tvo vegu sem eru með vönduðum rúllugardínur.  
Sameign: Sameign og stigagangur er snyrtilegt, sameiginlegt þvottahús er á hverri hæð hússins fyrir þær íbúðir sem eru á hverri hæð og er t.d. sameiginlegt mjög snyrtilegt þvottahús og þurrkherbergi með glugga, vinnuborði og vask á þessari hæð fyrir þær fjórar íbúðir sem þar eru. Á jarðhæðinni fyrir neðan er stór snyrtileg hjóla og vagnageymsla og þar er einnig sérgeymslan fyrir þessa íbúð.    
Hús: Húsið er fallegt og snyrtilegt fjölbýli með 14 íbúðum en það er teiknað af Kjartani Sveinssyni arkitekt sem var óhemju afkastamikill og vinsæll arkitekt á sínum tíma og teiknaði hann meðal annars mörg af glæsilegust og dýrustu einbýlishúsum landsins, en þau eru mörg auðþekkt á mörgum súlum og miklu þakskeggi þeirra, ásamt mörgum fjölbýlishúsum á höfuðborgarsvæðinu en þau hús eru frekar þekkt fyrir einfaldleika og góða nýtingu. 
Lóð: Lóðin er stór og gróin, sameiginleg með Sléttahrauni 27 og 29. 
Athugið að bankarnir eru með allt upp í 100 % hærri vexti en lífeyrissjóðirnir. Lífeyrissjóðirnir eru að lána frá 65 % og allt upp í 85 % með misjafnlega miklum skilyrðum. Þeir sem þurfa meiri lán og hafa átt íbúð áður tekið allt að 85 % lán og þeir sem hafa ekki átt íbúð áður geta tekið allt upp í 90 % lán með því að taka lán frá Framtíðinni lánasjóð á eftir Lífeyrissjóðslánunum. Ég aðstoða ykkur auðvitað við að kanna og sækja um þetta ef þið viljið. 



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.