Ferjubakki 8, 109 Reykjavík
Tilboð
Fjölbýli / Fjölbýlishús með sameiginlegum inngangi.
3 herb.
77 m2
Tilboð
Stofur
1
Svefnherbergi
1
Baðherbergi
1
Inngangur
Sameig.
Byggingaár
1968
Brunabótamat
24.200.000
Fasteignamat
29.500.000

Vilhjálmur Bjarnason löggiltur fasteignasali kynnir: 

Íbúðin er seld og óska ég nýjum eignendum til hamingju.
Ferjubakki 8. 109 Reykjavík. Hef fengið í sölu stóra og rúmgóða 2ja herbergja 77.1 fm íbúð á jarðhæð með stórri sér timburverönd með skjólgirðingu út frá stofu. Sameiginlegur stór og skjólgóður húsagarður.
Ef þið viljið skoða þessa eign þá er, vegna aðstæðna, ykkur velkomið að senda mér tölvupóst á [email protected] eða hringja í mig í 8228183, Vilhjálmur. 
Íbúðin er mjög stór, skráð 77.1 fm sem 2ja herbergja en mjög einfalt er að breyta henni í þriggja herbergja íbúð með því að færa eldhúsið yfir í stofuna og nota þá núverandi eldhús sem herbergi, búið er að gera þetta í nokkrum íbúðum í húsinu. Jafnvel er hægt að nota part af stofunni sem þriðja svefnherbergið ef það hentaði nýjum eigendum. Bjallan er næstneðst og ómerkt. 
Aðkoma: Gengið er inn á jarðhæðinni inn í stigaganginn sem er strax til vinstri þegar komið er í gegnum rampinn inn í skjólgóðan húsagarðinn og þar er íbúðin til vinstri á jarðhæðinni. 
Íbúðin skiptist þannig: Forstofa og rúmgott hol með parketi, skápur.
Herbergið er rúmgott, með parketi og skáp. 
Baðherbergið er nýlega uppgert með flísum á gólfi og flísum upp í um 2ja metra hæð á veggjum, upphengt wc, tengill fyrir þvottavél og þurrkara á baðinu, vaskur í borði, skápar.
Eldhúsið er með parketi á gólfi, hvít innrétting, hvít tæki, borðaðstaða, uppþvottavél fylgir.
Borðstofan og stofan eru rúmgóðar og bjartar með parketi á gólfi, útgangur á stóran vestur timbursólpall með skjólgirðingu. 

Sameign: Góð geymsla í sameign fylgir íbúðinni, hún er með hillum og þar er hægt að hafa ísskáp eða frystikistu, frystikista sem er í geymslunni fylgir.  Í sameigninni eru einnig rúmgóð hjóla- og vagnageymsla.
Húsið: Þakið var yfirfarið og málað sumarið 2019. Skipt var um glugga og gler í mörgum íbúðum hússins eins og eigendur töldu þurfa á sama tíma. Verið er að vinna í viðhaldi á húsinu að utan, sjá skýrslu. Verið er að leggja lokahönd á að skipta um klóak og affallsrör hússins. Búið er að skipta um alla glugga og gler í íbúðinni nema gluggann og glerið og hurðina í stofunni sem er með útgönguhurðinni á pallinn en það var ekki talin þörf á að skipta því út. 
Lóðin: Sameiginlegur stór og skjólgóður húsagarður í því stóra U sem húsið sjálft myndar. Rúmgott sameiginlegt bílastæði. 
Áhvílandi eru lán frá ÍLS - HMS að upphæð um 22.7 m sem verða greidd upp við sölu eða flutt á aðra eign.

Stutt í alla verslun, strætó, skóla og þjónustu þ.m.t. læknisþjónustu, Strætó í Mjódd, leikskólana Arnarborg, Bakkaborg og Fálkaborg, Breiðholtsskóla og alla þá þjónustu og verslanir sem boðið er upp á í Mjóddinni ásamt Blómavali. Stutt í skemmtileg útivistarsvæði í Elliðaárdalnum.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. fengnar með sjónskoðun fasteignasala eignarinnar, sóttar í opinberar skrár, samkvæmt upplýsingum frá eiganda eignarinnar og eftir atvikum til húsfélags. Seljandi skal veita fasteignasala og tilboðsgjöfum upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki með berum augum, t.d. vatns og raflagnir, dren, skólp og þak. Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. VB Eignir fasteignasala bendir væntanlegum tilboðsgjöfum á að kynna sér vel ástand eigna með  skoðun á eigninni fyrir tilboðsgerð og að leita til sérfræðinga um nánari ástandsskoðun ef þeir telji þörf á því. 


Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í nánast öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.