Aðalstræti 60, 600 Akureyri
17.900.000 Kr.
Lóð / Byggingarlóð
0 herb.
2599 m2
17.900.000
Stofur
0
Svefnherbergi
0
Baðherbergi
0
Inngangur
Sér
Byggingaár
0
Brunabótamat
0
Fasteignamat
4.010.000

VB Eignir. Vilhjálmur Bjarnason löggiltur fasteignasali 822-8183 kynnir: 

Aðalstræti 60. Akureyri. Hef fengið í einkasölu 2.599,4 fm gróna og einstaklega fallega eignarlóð á einstökum stað við Skammagil sem er í hinni fallegu Bæjarbrekku við Fjöruna í Innbænum á Akureyri þar sem elstu hús bæjarins standa og mynda fallega götusýn í þessu einstaka umhverfi. 
Lóðin og staðsetningin: Lóðin er 2.599,4 fm eignarlóð, sérlega falleg og gróðurmikil með grasi, runnum og stórum trjám og teygir hún sig upp í hæðina í Skammagilið sem er í fallegu Bæjarbrekkunni fyrir neðan kirkjugarðinn á Akureyri. Staðsetningin er einstök og eru t.d. í næsta nágrenni nokkur friðuð og sögufræg hús eins og Smiðjan, Indriðahús, Minjasafnskirkjan og Nonnahús.
Búið er að teikna um 85 fm fallegt timburhús / fjallaskála á lóðina (sjá meðfylgjandi teikningar) og var sú teikning, sem er eftir Fanneyju Hauksdóttir, búin að fá samþykki í grendarkynningu og hægt er að fá þá teikningu keypta með ef það hentar nýjum eigendum ásamt samböndum um pöntun á því húsi frá Svíþjóð. 

Auðvitað er hægt að setja annað hús á lóðina eftir vali kaupanda.
Lóðin er lituð brún á meðfylgjandi teikningu og teygir hún sig upp í Bæjarbrekkuna.
Ef þið viljið skoða þessa einstöku lóð þá sendið mér tölvupóst á [email protected] og ég kem ykkur í samband við eigandann sem sýnir ykkur lóðina.

Einnig er til sölu einstök lóð með sérlega sjarmerandi húsi á lóðinni við hliðina að Aðalstræti 62. á þessum einstaka stað en það hús stendur á 1.363,2 fm eignarlóð sem er einnig falleg og gróðurmikil með grasi, runnum og stórum trjám. 
Húsið á þeirri lóð er í eigu sama aðila og er skráð 93,3 fm sem skiptist í um 62 fm neðri hæð og um 31,3 fm rishæð. Neðri hæðin skiptist í forstofu, gang, norður herbergi, þvóttavélahorn, baðherbergi, eldhús, borðstofu og stofu. Efri hæðin skiptist í stórt herbergi að sunnanverðu og sjónvarpsstofa / herbergi að  norðanverðu. Lóðin fyrir A-62 er lituð ljósgrá á meðfylgjandi lóðarmynd.



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.