Úthlíð 4, 105 Reykjavík (Austurbær)
49.900.000 Kr.
Fjölbýli / Þríbýli
2 herb.
97 m2
49.900.000
Stofur
2
Svefnherbergi
2
Baðherbergi
1
Inngangur
Sér
Byggingaár
1949
Brunabótamat
32.100.000
Fasteignamat
52.100.000

VB Eignir. Vilhjálmur Bjarnason löggiltur fasteignasali 822-8183 kynnir: 

Þessi fallega íbúð er seld og fengu færri en vildu. Venjulegur fyrirvari er á kaupunum og verður íbúðin hér inni þangað til hann er genginn upp. 
Opið hús er alla daga því ef þú hefur áhuga á að skoða þessa fallegu íbúð þá er einfalt að senda tölvupóst á [email protected] eða sms á 8228183 og skipulagður er tími sem hentar til að skoða. 

Hef fengið í einkasölu að Úthlíð 4 í hjarta Reykjavíkur við Klambratúnið og Kjarvalsstaði, bjarta og mjög fallega 4ra herbergja 97.7 fm sérhæð með sérinngangi á fyrstu hæð, ekki kjallari, í mjög fallegu og svipmiklu þríbýlishúsi á frábærum stað í þessari fallegu og rólegu götu. Sérinngangur, sér sólpallur, sérhiti og sérrafmagn. Sameiginlegur mjög fallegur garður með grasi, runnum, trjám og sérverönd. Íbúðin er laus til afhendingar við kaupsamning.  Íbúðin og húsið hefur fengið gott viðhald í gegnum tíðina eins og eignin ber með sér. 2005 var húsið endursteinað að utan og þakklæðning, niðurfallsrör og þaklúgur og þakgluggar endurnýjað. Þá var skipt um skólplagnir og drenlagnir í húsinu um svipað leyti og hellulagt að framanverðu með hitalögn ásamt því að nýjar þökur voru settar á lóðina og girðing yfirfarin. Húsið fékk eftir þetta verðlaun frá Reykjavíkurborg fyrir vel heppnaðar endurbætur. Um mitt ár 2016 voru miklar endurbætur gerðar á íbúðinni.
Staðsetning eignarinnar er virkilega góð á eftirsóttum og rólegum stað þaðan sem stutt er í leikskóla, skóla og framhaldsskóla, heilsugæslu, sjúkrahús, Sundhöllina og hæfilega langt er í miðborgina. Stór og fallegur, skjól- og gróðursæll garður með sér sólpalli út frá stofu. 
NÁNARI LÝSING: Gengið er inn í íbúðina á vesturhlið hússins sem snýr að Klambratúninu um sérinngang sem er með nýlegri og fallegri Mahony hurð og nýju útiljósi. 
Íbúðin sjálf skiptist á eftiarfarandi hátt: Forstofa með nýlegum ljósum flísum á gólfi og hvítum upphengdum skóskáp með hillu. Frá forstofunni er komið inn í rúmgott og bjart hol og gang með nýlegu parketi, í holinu er rúmgott fatahengi með nýjum hurðum og einnig er þar fallegur hirsluskápur. Nokkuð rúmgóð geymsla er innan íbúðarinnar með nýlega flotuðu og lökkuðu gólfi. Mjög rúmgott og fallegt svefnherbergi með nýlegu og vönduðu harðparketi, rúmgóður skápur, rúllugardínur.  Innst á ganginum er annað herbergi með vönduðu harðparketi, kjörið sem barna- eða vinnuherbergi, rúllugardínur. Fallegt og bjart nýlega uppgert baðherbergi með ljósum flísum á gólf og veggjum, öll tæki nýleg m.a. blöndunartækin, wc, vaskurinn, baðskápurinn og stór speglaskápur með góðri lýsingu. Eldhúsið er með nýlegum ljósum flísum á gólfi, ljós viðarinnrétting með svartri borðplötu, flísar milli skápa. Góð gaseldavél með gasskynjara og háfur úr stáli. Borðaðstaða við niðurfellanlegt borð. Rúllugardínur. Hægt er að setja venjulega eldavél í staðinn fyrir gaseldavélina. Borðstofan og stofan er tvö stór rými en opið er á milli þeirra í dag og nýlegt harðparket er á gólfum. Nýleg og vönduð „screen“- gluggatjöld frá Sólargluggatjöldum. Upphengdur borðstofuskápur og annar sjónvarpsskápur fylgja. Annars vegar er um að ræða stórt og rúmgott stofurými og hins vegar stórt og rúmgott borðstofurými með útgang um svaladyr á sér suðsuðvestur sólpall og þaðan í fallegan og skjólgóðan garð. Annar sameiginlegur sólpallur er á lóðinni. Þar sem stofan og borðstofan eru tvö rúmgóð rými þá er mögulegt að breyta borðstofurýminu í eldhús og gera þá eldhúsið sem er í dag að sér herbergi og væru þá þrjú herbergi í íbúðinni og bjart og fallegt eldhús sem væri opið yfir í stofuna með glugga og útgangi í garðinn.
Sameign: Frá baðherberginu er innangengt í sameignina en þar sem er hjólageymsla og stórt og bjart þvottahús. Nýlega var skipt um stóra gluggann í þvottahúsinu og gler í hjólageymslu. Hús: Húsið er sérlega fallegt og svipmikið þríbýlishús sem hefur verið endursteinað að utan og virðist hafa fengið gott viðhald í gegnum tíðina og stendur á frábærum stað í þessari fallegu og rólegu götu. Lóð: Stór og fallegur, skjól- og gróðursæll garður með sér sólpalli út frá stofunni. Umhverfis garðinn er grindverk sem haldið hefur verið vel við og hægt er að setja hlið beggja megin til að loka garðinum. Hlíðahverfið og svæðið þarna í kring er eitt grónasta og skemmtilegasta íbúahverfi höfuðborgarsvæðisins og er hæfilega stutt og hæfilega langt frá miðbænum. 



Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.