Hulduhóll 57, 820 Eyrarbakki
43.900.000 Kr.
Parhús / Parhús á einni hæð
4 herb.
140 m2
43.900.000
Stofur
1
Svefnherbergi
3
Baðherbergi
1
Inngangur
Sér
Byggingaár
2020
Brunabótamat
0
Fasteignamat
21.650.000

Vilhjálmur Bjarnason löggiltur fasteignasali kynnir: 

Hulduhóll 57, Eyrarbakka. Hef fengið í einkasölu nýtt, fallegt og fjölskylduvænt 140,6 fm parhús á einni hæð í nýju hverfi á Eyrarbakka. Húsið er byggt 2020. 
Til að fá meiri upplýsingar um eignina og bóka skoðunartíma: Vilhjálmur Bjarnason löggiltur fasteignasali, [email protected] eða í síma 8228183

Samkvæmt teikningum skiptist húsið á eftirfarandi hátt: Forstofa og gangur, baðherbergi, sér þvottahús, þrjú svefnherbergi, og svo er eldhúsið, borðstofa, sjónvarpsstofa og stofa í einu góðu alrými sem er með útgönguhurð í garðinn og að auki er 42,2 fm innbyggður bílskúr og geymsla sem einnig er með útgönguhurð.
Húsið er vandað timburhús sem er klætt að utan með aluzinkaðri báru en innveggir eru byggðir upp með 70 mm málmstoðum sem eru klæddar með tvöföldu 12 mm gipsi á báðum hliðum og einangrun á milli. Stærð íbúðarrýmis er 98,4 fm og bílgeymslan er 42,2 fm., samtals 140,6 fm.
Lóðin er grófjöfnuð en húsið er fullbúið að utan og nánast fullbúið að innan og er tilbúið til afhendingar við kaupsamning eins og það er samkvæmt neðangreindri skilalýsingu seljanda: 
Innanhúss í íbúðarrýminu eru allir veggir málaðir og loftin klædd og fullfrágengið, hiti er í gólfum en án endanlegra hitastýringa í hverju herbergi, húsið verður afhent án gólfefna nema að flísar eru á baðherbergisgólfinu. Ný og rúmgóð eldhúsinnrétting og forstofuskápur eru frá Fríform. Baðherbergið er flísalagt bæði veggir og gólf, þar er upphengt salerni, innrétting frá Ikea og vönduð blöndunartæki frá Tengi. Hjónaherbergið er rúmgott með nýjum stórum fataskáp og einstöku útsýni til austurs. Tvö barnaherbergi eru með bráðabirgðaskápum og ágætlega rúmgóð. Þvottahúsið er með bráðabirgðainnréttingu þar sem gert er ráð fyrir þvottavél og þurrkara. Innangengt er úr þvottahúsi í bílageymsluna en þar á milli er eldvarnarhurð. Eldhús, borðstofa, sjónvarpsstofa og stofan eru í einu björtu og góðu alrými með stórum gluggum og útgengi í garðinn. Á svefnherbergisganginum eru næturljós með birtuskynjara. Allar innihurðir eru vandaðar Ringo hurðir frá Birgisson.
Bílskúrinn er eins og áður sagði 42,2 fm með geymslunni og skilast eins og hann er við sýningu, þ.e.a.s. einangraður, plastaður og með rafmagnsgrind. Bílskúrshurðin er Ryterna og einnig er útgengt út í bakgarð úr bílageymslunni.  1386,9 fm sameiginleg lóð með númer 55 en lóðin við þetta hús er stærri vegna legu lóðarinnar. 

Vandað fjölskylduhús í barnvænu umhverfi í útjaðri Eyrarbakka þar sem skóli og leikskóli eru í göngufæri og stutt er í fallega náttúru, fjörugt fuglalíf og sendnar fjörur.
Húsið getur verið laust við kaupsamning.
Vert er að geta þess að verið er að vinna í að klára hinn enda parhússins.
Stefnt er á að sá hluti, sem er Hulduhóll 55, verði kominn í sölu fljótlega eftir næstu áramót ef það hentaði einhverjum fjölskyldum, vinafólki eða öðrum aðilum að kaupa báða helmingana. 

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. fengnar með sjónskoðun fasteignasala eignarinnar, sóttar í opinberar skrár, samkvæmt upplýsingum frá eiganda eignarinnar og eftir atvikum til húsfélags. Seljandi skal veita fasteignasala og tilboðsgjöfum upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki með berum augum, t.d. vatns og raflagnir, dren, skólp og þak. Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. VB Eignir fasteignasala bendir væntanlegum tilboðsgjöfum á að kynna sér vel ástand eigna með  skoðun á eigninni fyrir tilboðsgerð og að leita til sérfræðinga um nánari ástandsskoðun ef þeir telji þörf á því. 


Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í nánast öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.