Langamýri 3, 800 Selfoss
Tilboð
Fjölbýli
4 herb.
154 m2
Tilboð
Stofur
1
Svefnherbergi
4
Baðherbergi
2
Inngangur
Sér
Byggingaár
2002
Brunabótamat
50.150.000
Fasteignamat
46.150.000

Vilhjálmur Bjarnason löggiltur fasteignasali kynnir: 

Þetta fjölskylduvæna parhús er selt. Þegar eign er skráð seld þá kemur að verðið hafi verið "tilboð" sem er ekki rétt en eignin fór nálægt uppsettu verði sem getur bæði verið undir og yfir því. Gangi ykkur vel að finna hemili. Ég hef verið beðinn um að finna fyrir ákveðna kaupendur rað- par- eða einbýlishús á Selfossi, Hveragerði og nágrenni.
Langamýri 3 á Selfossi. Hef fengið í einkasölu vel skipulagt og fjölskylduvænt 5. herbergja 154,3 fm parhús á einni hæð með innbyggðum bílskúr á góðum stað á Selfossi sem er sífellt að verða vinsælli búsetukostur fyrir barnafjölskyldur, ömmur og afa. Húsið stendur fremst í botnlangagötu og er opið svæði fyrir framan húsið með flottu útsýni.  
Íbúðarrýmið er skráð 110,1 fm, bílskúrinn 34,2 fm og herbergið / geymslan í bílskúrnum 10,0 fm. Samtals 154,3 fermetrar. 4 svefnherbergi. 2 wc.

Húsið, sem getur getur losnað mjög fljótlega, skiptist á eftirfarandi hátt:
Forstofa með lökkuðu gólfi og stórum fataskáp.
Stórt og gott hol með eikarparketi sem flæðir inn í öll herbergin, eldhúsið og stofuna.
Hjónaherbergið er stórt og rúmgott með góðum fataskápum, eikarparket á gólfi.
Tvö rúmgóð svefnherbergi, bæði með eikarparketi á gólfum.
Baðherbergi með lökkuðu gólfi, innrétting með vask i borði, upphengt wc, handklæðaofn, flísalagt í kringum baðkarið sem er með sturtuaðstöðu, gluggi.
Þvottahús er með lökkuðu gólfi og er innangengt í bílskúrinn frá því.
Eldhús er bjart og rúmgott með eikarparketi á gólfi, gluggar á tvo vegu, falleg viðarinnrétting og góður borðkrókur, gashelluborð en rafmagnstengi til staðar svo auðvelt er að breyta því, stálháfur, ísskápur og uppþvottavél sem eru í innréttingunni fylgja með, nýr bakarofn sem er í vinnuhæð. Eldhúsið er að hluta lokað af frá stofunni og borðstofunni en mögulegt er að opna alveg eða loka alveg á milli.  
Stofan og borðstofan eru bjartar og rúmgóðar með eikarparketi á gólfum og útgengt í garðinn og á stóra timburverönd með skjólgirðingu og skjólgirðing er nánast kringum allt íbúðarrými hússins eins og sjá má á myndunum. 
Bílskúrinn er innbyggður og er geymsluloft með stiga yfir helmingi hans. Rafmagnshurðaopnari.
Aukaherbergi inn af bílskúrnum er með sérinngönguhurð frá garðinum og sér baðherbergi með wc og innréttingu. Auðvelt að útbúa sturtuaðstöðu, var áður leigt út sem sér eining.
Lóðin fyrir parhúsin að Löngumýri 1 og 3 er eignarlóð sem er samtals 1026.4 fm og þar af er lóðin fyrir þetta hús 514.5 fm. Bakgarðurinn er afgirtur og hund og barnheldur með hárri skjólgirðingu og góðum þvottasnúrum. Geymsluskúr er í garði, fínn fyrir dekkin, sláttuvélina og annað dót. Garðurinn er gróinn með rifsberjarunnum, trjám og fjölbreyttum fjölærum gróðri.
Húsið, sem er svokallað SG eininga timburhús og var byggt 2002, var allt málað að utan og borðið á skjólgirðingar og pall sumarið 2019.
Fljótandi eikarparkett er á öllu húsinu nema að það eru lökkuð gólf á baðherbergjum, þvottahúsinu og forstofunni. Bílskúrsgólfið er ómálað. 
Parketið var allt tekið í gegn fyrir fjórum árum, slípað upp og borið á það.
Ljósleiðari kominn í hús. Gólfhiti er í húsinu, handstýrður fá hitagrindinni. 
Mikil uppbygging er búin að vera á Selfossi undanfarin ár og verið er að byggja þar nýjan miðbæ. Verið er að tvöfalda þjóðveginn á milli Selfoss og Hveragerðis og á að færa hann norður fyrir ofan byggðina þannig að þungaumferð verður þá ekki lengur í gegnum Selfoss. Góðar og fallegar göngu og hjólaleiðir.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. fengnar með sjónskoðun fasteignasala eignarinnar, sóttar í opinberar skrár, samkvæmt upplýsingum frá eiganda eignarinnar og eftir atvikum til húsfélags. Seljandi skal veita fasteignasala og tilboðsgjöfum upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki með berum augum, t.d. vatns og raflagnir, dren, skólp og þak. Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. VB Eignir fasteignasala bendir væntanlegum tilboðsgjöfum á að kynna sér vel ástand eigna með  skoðun á eigninni fyrir tilboðsgerð og að leita til sérfræðinga um nánari ástandsskoðun ef þeir telji þörf á því. 


Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í nánast öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.