Leirvogstunga 35, 270 Mosfellsbær
149.700.000 Kr.
Einbýli / Einbýlishús með aukaíbúð
9 herb.
350 m2
149.700.000
Stofur
3
Svefnherbergi
7
Baðherbergi
4
Inngangur
Sér
Byggingaár
2019
Brunabótamat
0
Fasteignamat
87.400.000

Vilhjálmur Bjarnason löggiltur fasteignasali kynnir: 

Leirvogstunga 35 í Mosfellsbæ. Hef fengið í einkasölu fallegt, vel byggt og sérlega rúmgott einbýlishús með einstöku útsýni. Húsið er á tveimur hæðum með góðum bílskúr, aukaíbúð og möguleika á fleiri aukaíbúðum. Húsið er staðsett í hinu nýlega og fjölskylduvæna Leirvogstunguhverfi í Mosfellsbæ þar sem eru eingöngu einbýlishús, parhús og raðhús.  Áhugasamir vinsamlega sendið tölvupóst á [email protected] Húsið stendur á einstökum útsýnisstað og er stórkostlegt útsýni í suður, vestur og norður meðal annars yfir Mosfellsbæinn, Leirvoginn, Esjuna, Úlfarsfellið, Faxaflóann og Reykjavík. Stutt í útiveru og gönguleiðir en Esjan, Úlfarsfellið, Mosfellið, Mosfellsdalurinn, Lágafellið og Helgafellið er rétt hjá ásamt því að flottar göngu og hjólaleiðir eru um allt í nágrenninu sem liggja alveg til Reykjavíkur og lengra ef menn vilja. 
Skólabíll er til og frá Varmár- og Kvíslarskólum en Varmárskóli er yngri deild og Kvíslarskóli er eldri deild. Örstutt labb er í leikskóla hverfisins og þar er einnig upplýstur battavöllur, körfuboltavöllur og leiksvæði fyrir börn. Fótboltasvæði Mosfellsbæjar að Tunguvöllum er fyrir neðan hverfið og stuttur gangur þangað og Flugklúbbur Mosfellsbæjar er með aðstöðu og flugvöll þar rétt fyrir neðan. Motocross braut Moto Mos er rétt fyrir ofan hverfið og fjöldi slóða fyrir enduro í nágrenninu. Ein besta laxaveiðiá landsins, Leirvogsá, afmarkar hverfið að norðanverðu. Hestamannahverfi Harðar er í göngufæri. Þetta hverfi er algjör sveitaperla í aðeins 15 mín keyrslu frá miðpunkti Reykjavíkur. Aðkoma að hverfinu er annars vegar að neðanverðu um Tunguveg sem tengir hverfið beint við Mosfellsbæinn og alla þjónustu þar eins og t.d. íþróttamiðstöðvarnar og sundlaugarnar að Varmá og Lágafelli, Varmárskóla, hesthúshverfinu, miðbæ Mosfellsbæjar og alla aðra verslun og þjónustu sem þar er að finna og hins vegar er aðkoma að ofanverðu inn í hverfið frá þjóðvegi eitt frá hringtorginu sem liggur yfir veginn. Gert er ráð fyrir á teikningum að aðalíbúð hússins geti verið með allt að 6. góðum svefnherbergjum en það er líka hægt að hafa rýmra um sig og hafa þar fjögur svefnherbergi, tvö á hvorri hæð þeirrar íbúðar, og góðar stofur í staðinn ef það hentar betur nýjum eigendum. Einnig er mögulegt að loka stigaopinu og hafa eina séríbúð á efri hæðinni sem getur þá verið með allt að fimm svefnherbergjum og væru þá allavega tvær aukaíbúðir á neðri hæðinni.  Áætlað er að húsið skilist samkvæmt nánari skilalýsingu í október - nóvember 2021 en þó samkvæmt nánara samkomulagi á milli aðila. Að utan skilast húsið fullbúið og er það staðsteypt með mótum á gamla mátann, einangrað að utan og álklætt. Miklir steyptir stoðveggir eru báðum megin við húsið. Búið er að steypa tröppur með handriðum að norðanverðu og timburstigi er að sunnanverðu. Stór steyptur suður sólpallur og góðar steyptar suður og vestur svalir eru út frá efri hæðinni. Svalahandrið skilast fullbúin og eru handriðin og stoðirnar úr burstuðu stáli álplötum á milli. Einnig er gert ráð fyrir að hægt sé að hafa góða sólpalla út frá rýmunum á neðri hæðinni. Lóðin skilast að öðru leiti eins og hún er við sýningu hússins sem mæst endanlegu yfirborði en búið er að skipta um jarðveg í bílastæðum og aðkomu að húsinu. Að innan skilast húsið tilbúið í dag á byggingarstigi 5. samkvæmt Íslenskum byggingarstaðli IST 51, samkvæmt nýjustu útfærslu IST 51 teldist það vera byggingarstig 3, og getur það verið afhent við kaupsamning þar sem seljandi er að leggja lokahönd á húsið. Þess má geta að seljandinn er einnig byggingaraðili hússins og er hann gamalreyndur húsasmíðameistari með mikla og góða reynslu. Mögulegt er að semja sérstaklega um það við seljandann að hann taki að sér að klára húsið upp í fullbúið að innan fyrir nýja eigendur.  Um er að ræða fallegt og vel skipulagt einbýlishús á tveimur hæðum með góðri lofthæð sem er skráð 350,9 fm sem skiptist í 201.3 fm efri hæð með 160.8 fm íbúðarrými og innbyggðum 40.5 fm bílskúr og 149.6 fm neðri hæð þar sem er gert ráð fyrir að 75.4 fm séu með efri hæðinni um stiga milli hæðanna ásamt 58.4 fm aukaíbúð með sérinngangi á neðri hæð og 15.8 fm kaldri geymslu með sérinngangi og að auki eru tvö óskrað sökkulrými. Efri hæðin er skráð 201.3 fm að grunnfleti og neðri hæðin er aðeins minni og er sennilega eitthvað um 195 fm að grunnfleti sem gerir um 396.3 fm að heildargrunnfleti og þegar tekið er tillit til stigaops þá er gólfflöturinn alls sennilega um 378 fm þó það sé skráð 350.9 fm. Gert er ráð fyrir timburstiga milli hæða en mögulegt er að semja sérstaklega við seljanda um að steypa stigann milli hæðanna. Tvö ófyllt og óskráð sökkulrými eru en það mætti hugsanlega nota þessi rými seinna meir með öðrum hlutum hússins þar sem settar voru lagnir í bæði rýmin við byggingu hússins.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. fengnar með sjónskoðun fasteignasala eignarinnar, sóttar í opinberar skrár, samkvæmt upplýsingum frá eiganda eignarinnar og eftir atvikum til húsfélags. Seljandi skal veita fasteignasala og tilboðsgjöfum upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki með berum augum, t.d. vatns og raflagnir, dren, skólp og þak. Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. VB Eignir fasteignasala bendir væntanlegum tilboðsgjöfum á að kynna sér vel ástand eigna með  skoðun á eigninni fyrir tilboðsgerð og að leita til sérfræðinga um nánari ástandsskoðun ef þeir telji þörf á því. 


Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í nánast öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.