Leirvogstunga 35. fullbúið hús , 270 Mosfellsbær
177.800.000 Kr.
Einbýli / Einbýlishús með aukaíbúð
9 herb.
350 m2
177.800.000
Stofur
3
Svefnherbergi
6
Baðherbergi
3
Inngangur
Sér
Byggingaár
2019
Brunabótamat
0
Fasteignamat
87.400.000

Vilhjálmur Bjarnason löggiltur fasteignasali kynnir: 

Leirvogstunga 35 í Mosfellsbæ. Húsið skilast fullbúið að utan og innan ásamt því að lóðin skilast frágengin með steyptum stoðveggjum og grasi við neðri hæðina og búið er að skipta um jarðveg í lóðinni og bílastæðunum fyrir framan húsið að ofanverðu þar sem aðkoman er.  
Húsið er fallegt, vel byggt og sérlega rúmgott tveggja hæða einbýlishús með aukaíbúð og góðum bílskúr, einstakt útsýni.
Húsið er staðsett í hinu nýlega og fjölskylduvæna Leirvogstunguhverfi í Mosfellsbæ þar sem eru eingöngu einbýlishús, parhús og raðhús. 
Áhugasamir vinsamlega sendið tölvupóst á [email protected] til að fá að skoða þetta fallega hús. 

Um er að ræða fallegt og vel skipulagt hús á tveimur hæðum með góðri lofthæð, það er skráð 350,9 fm sem skiptist í 201.3 fm efri hæð með 160.8 fm íbúðarrými og innbyggðum 40.5 fm bílskúr og 149.6 fm neðri hæð þar sem er gert ráð fyrir að 75.4 fm séu með efri hæðinni um stiga milli hæðanna ásamt 58.4 fm aukaíbúð með sérinngangi og 15.8 fm kaldri geymslu með sérinngangi og að auki eru tvö óskráð rými. Samtals er grunnflötur beggja hæða um 390 fm.
Aðalíbúðin er á tveimur hæðum með bílskúrinn og aðalinnganginn á efri hæðinni frá götunni og með fjórum til fimm svefnherbergjum og svo er góð tveggja herbergja sér aukaíbúð með sérinngangi á neðri hæðinni þar sem allt er sér og innan íbúðarinnar. Möguleiki er á að nýta óskráð rými hússins seinna með annarri hvorri eða báðum íbúðum hússins og einnig er þá mögulegt að hafa opið á milli íbúðanna í húsinu.
Áætlað er að húsið skilist fullbúið að innan í mars til maí 2022 en þó samkvæmt nánari skilalýsingu og samkomulagi á milli aðila. 
Húsið stendur á einstökum útsýnisstað og er stórkostlegt útsýni í suður, vestur og norður meðal annars yfir Mosfellsbæinn, Leirvoginn, Esjuna, Úlfarsfellið, Faxaflóann og Reykjavík. Stutt í útiveru og gönguleiðir en Esjan, Úlfarsfellið, Mosfellið, Mosfellsdalurinn, Lágafellið og Helgafellið er rétt hjá ásamt því að flottar göngu og hjólaleiðir eru um allt í nágrenninu sem liggja alveg til Reykjavíkur og lengra ef menn vilja. 
Skólabíll er til og frá Varmár- og Kvíslarskólum en Varmárskóli er yngri deild og Kvíslarskóli er eldri deild. Örstutt labb er í leikskóla hverfisins og þar er einnig upplýstur battavöllur, körfuboltavöllur og leiksvæði fyrir börn. Fótboltasvæði Mosfellsbæjar að Tunguvöllum er fyrir neðan hverfið og stuttur gangur þangað og Flugklúbbur Mosfellsbæjar er með aðstöðu og flugvöll þar rétt fyrir neðan. Motocross braut Moto Mos er rétt fyrir ofan hverfið og fjöldi slóða fyrir enduro í nágrenninu. Ein besta laxaveiðiá landsins, Leirvogsá, afmarkar hverfið að norðanverðu. Hestamannahverfi Harðar er í göngufæri. Þetta hverfi er algjör sveitaperla í aðeins 15 mín keyrslu frá miðpunkti Reykjavíkur. 
Aðkoma að hverfinu er annars vegar að neðanverðu um Tunguveg sem tengir hverfið beint við Mosfellsbæinn og alla þjónustu þar eins og t.d. íþróttamiðstöðvarnar og sundlaugarnar að Varmá og Lágafelli, Varmárskóla, hesthúshverfinu, miðbæ Mosfellsbæjar og alla aðra verslun og þjónustu sem þar er að finna og hins vegar er aðkoma að ofanverðu inn í hverfið frá þjóðvegi eitt frá hringtorginu sem liggur yfir veginn. 
Að utan er húsið fullbúið og er það staðsteypt með mótum á gamla mátann, einangrað að utan og álklætt. Miklir steyptir stoðveggir eru báðum megin við húsið á lóðarmörkum. Steyptar tröppur með handriðum eru að norðanverðu og timburstigi er að sunnanverðu. Stór steyptur suður sólpallur og góðar steyptar suður og vestur svalir eru út frá efri hæðinni. Svalahandrið skilast fullbúin og eru handriðin og stoðirnar úr burstuðu stáli og álplötum á milli. Gert er ráð fyrir að hægt sé að hafa góða sólpalla út frá rýmunum á neðri hæðinni. Þess má geta að seljandinn er einnig byggingaraðili hússins og er hann gamalreyndur húsasmíðameistari með mikla og góða reynslu. 
Lóðin skilast frágengin með steyptum stoðveggjum á lóðarmörkum báðum megin og með grasi við neðri hæð hússins og búið er að jarðvegsskipta lóðinni og bílastæðunum fyrir framan húsið að ofanverðu þar sem aðkoman er.  
Húsið skilast fullbúið samkvæmt skilalýsingu hér að neðan og nánari skilalýsingu seljanda nema um annað verði samið.

Húsið er byggt samkvæmt íslenskum byggingarstaðli IST51. Húsið er staðsteypt með mótum og er einangrað að utan með steinull og klætt á álgrindarundirkerfi að mestu með fallegri álklæðningu og með maghony í innskotum að framan sem gefur húsinu fallegt og hlýlegt útlit. Þakið er steypt með vatnshalla, einangrað að ofan en ekki með steinafargi og er fullbúið með niðurföllum. Vandaðir Velfag ál/tré gluggar og hurðar. Bílskúrshurð með rafmagnsopnun og fjarstýringu. Vandað og fallegt rústfrítt handrið með álklæðningu á milli á svölum. Ruslatunnuskýli verða á lóð. Að innan eru allir léttir veggir byggðir upp með málmstoðum sem eru klæddar með tvöföldu gipsi báðum megin og einangrun á milli upp á hljóðvernd og settar voru spónaplötur að auki að hluta á bak við til að fá betri festu þar sem gert er ráð fyrir innréttingum eða tækjum. Loft beggja hæða er steypt og lofthæð er mikil og góð á báðum hæðum. Bílskúrgólf verður málað eða lakkað með sterkri Epoxy málningu. Rafmagnsstofninntak, og stofninntök fyrir heitt og kalt vatn eru tengt inn í húsið og fullfrágengin innanhúss sem er greitt af seljanda. Gert er ráð fyrir að kaupendur greiði skipulagsgjald, sem er 0,3 % af endanlegu brunabótamati, þegar það kemur á húsið.
Nánari skilalýsing hússins að innan: Gólfhiti með handstýringum er á efri hæð og hefðbundnir ofnar á neðri hæðinni. Gólfefni eru Quick Step harðparkett frá Harðviðarvali eða sambærilegt með vönduðu undirleggi, fallegar og vandaðar ljósar flísar eru á gólfum baðherbergja og í þvottarhúsi. Veggir í þvottahúsum og baðherbergjum beggja íbúða eru málaðir að hluta og flísalagðir að hluta, vönduð blöndunartæki og upphengd wc, handklæðaofnar og gluggi á öllum þremur baðherbergum hússins. Fallegur málaður timburstigi milli hæða ásamt handriðinu við stigann og stigaopið inni. Raflagnir og rafmagnstafla skilast fullbúið með hvítum hefðbundnum rofum og tenglum. Innihurðar, hurðahúnar og læsingar er frá Birgisson eða sambærilegt. Fallegar og vandaðar innréttingar með steinborðplötum frá Rein eða sambærilegt í báðum eldhúsum, öllum þremur baðherbergjum og báðum þvottahúsum eignarinnar. Gert er ráð fyrir vönduðum SIEMENS heimilistækjum eða sambærilegu í eldhúsum með span helluborðum, viftum og ofnum ásamt uppþvottavél samkvæmt teikningum. Allir veggir og loft verða fullmáluð í sama lit, Hálfur sandur, með góðri og vandaðri mattri málningu. Sjá þó nánar í endanlegri skilalýsingu seljanda sem skal liggja fyrir og vera undirrituð af bæði kaupanda og seljanda við tilboðsgerð. 
Hægt er að fá húsið fullbúið að utan með grófjafnaðri lóð og tilbúið til innréttinga að innan eins og það stendur nánast í dag á 149.700.000 kr.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. fengnar með sjónskoðun fasteignasala eignarinnar, sóttar í opinberar skrár, samkvæmt upplýsingum frá eiganda eignarinnar og eftir atvikum til húsfélags. Seljandi skal veita fasteignasala og tilboðsgjöfum upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki með berum augum, t.d. vatns og raflagnir, dren, skólp og þak. Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. VB Eignir fasteignasala bendir væntanlegum tilboðsgjöfum á að kynna sér vel ástand eigna með  skoðun á eigninni fyrir tilboðsgerð og að leita til sérfræðinga um nánari ástandsskoðun ef þeir telji þörf á því. 


Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í nánast öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Senda fyrirspurn um eignina

Skilaboð hafa verið send.